Балалардың игілігі жолындағы игі істер!!!

Қайырымдылық қызметі аясында «Дара» қоры «Қазақстандық Иджара Компаниясы» акционерлік қоғамы Щучинск қаласындағы №6 психологиялық-педагогикалық түзету кабинетіне арналған дамытушы ағаш ойыншықтар жиынтықтарын сатып алып, сыйға тартты. Бұл сатып алу кабинеттің материалдық-техникалық базасын жақсартуға, сондай-ақ мүмкіндігі шектеулі балалармен түзете-дамыту сабақтарын өткізу үшін қолайлы жағдайлар жасауға бағытталған. Дамытушы ойыншықтар түзете-білім беру үдерісінің маңызды бөлігі болып табылады және оларды логопед, дефектолог мұғалімдері, педагог-психолог, сондай-ақ бейімделген дене шынықтыру пәнінің мұғалімі өз жұмыстарында кеңінен қолданады.

Олар балалардың сөйлеу тілін, танымдық үдерістерін, ұсақ моторикасын дамытуға, сондай-ақ эмоционалдық тұрақтылықты қалыптастыруға және мазасыздық деңгейін төмендетуге ықпал етеді. Ойыншықтар сабақтарға қатысатын балалардың жас ерекшеліктерін, жеке және психофизиологиялық мүмкіндіктерін ескере отырып іріктелді. Бұл материалдарды пайдалану түзету жұмысының тиімділігін арттыруға, балалардың оқуға деген ынтасын жақсартуға және жайлы әрі қауіпсіз білім беру ортасын қалыптастыруға мүмкіндік береді. Ойын барысында бала өзін анағұрлым сенімді сезінеді, демек, нәтижеге тезірек қол жеткізеді.

Түзету кабинетінің әкімшілігі басшысы Садвакасова Шолпан Елеукенқызының атынан көрсетілген көмек үшін қорға, сондай-ақ жоба серіктестері — «Қазақстандық Иджара Компаниясы» акционерлік қоғамына шынайы алғысын білдіреді.
Табыс етілген сыйлықтар  практикалық маңызы зор және ол психологиялық-педагогикалық түзету кабинетінің білім беру және түзету қызметінде белсенді түрде пайдаланылатын болады.

/public/files/2026/2/4/040226_155901_video-2026-01-29-11-26-11.mp4