Психологиялық – педагогикалық түзету кабинеті   ерекше қажеттіліктері бар балаларға арналған жаңа жылдық ертеңгілікте шыршаның оттарын жақты. Балалар ертеңгілікке жаңа жылдық көңіл күймен, әдемі киіммен келді. Және олардың үміттері ақталды. Ертеңгілікке қатысқан түзету кабинетінің  мамандары  өздерін жақсы әртістер ретінде көрсетіп, өздерінің шығармашылық шеберліктерін, ұйымдастырушылық қабілеттерін көрсете білді. Оларға түрлі кейіпкерлер болуға тура келді: Ақшақар, Аяз Ата мен Аққала. Ертегі кейіпкерлері  басынан бастап балаларды сиқырлы ертегілер әлеміне бөледі. Балалар жаңа жылдық мерекеде ақшақармен  қызықты сайыстарға қатысып, ойын ойнады. Аяз Ата келгеннен бастап  ән айтылып,  би биленді. Ертеңгілік барысында балалар аяз ата мен ақшақарға тақпақтар айтып, кейіпкерлерімен суретке түсті, жаңа жылдық сыйлықтар алды.